हे अबोल प्रेम फुललेच नाही !!

दोघांच्याही मनात होतं,
दोघांनाही ते ठाऊक होतं
कुनी कधी काही बोललेच नाही…..
एक अबोल प्रेम फुललेच नाही !!
जाण्या-येण्याच्या वेळाही एक,
ठरुनच गेल्या होत्या बहुतेक
वाटा दोहोंच्या जुळल्याच नाही
एक अबोल प्रेम फुललेच नाही !!
नजर भिरभिरते,एकमेंका शोधते;
दृष्टा-दृष्ट झाल्यास मनी सुखावते
नजरेपलिकडे काही घडलेच नाही
एक अबोल प्रेम फुललेच नाही !!
नसेना का घडले मिलन परि…
आजन्म फुलतिल प्रेमांकुर ऊरी
नियतीचे कोडे कळ्लेच नाही
एक अबोल प्रेम फुललेच नाही !!
राहिले जरी हे प्रेम अव्यक्त
मनी न उरली बोच हि फक्त
जगणे…..वाटणार ओझे नाही
ज़रि……. हे अबोल प्रेम फुललेच नाही !!

Culture Unplugged Video

View this movie at cultureunplugged.com

परीस

वेळ होती
तुझी देण्याची
माझी घेण्याची

तुझ्यात एक परीस होता
मला तो गवसला

तुला त्याचा थांग सुध्दा नव्हता
मी मात्र त्याला जपलय,
कारण....
मला सोनं नकोय,
मला परीस हवाय

वाटतं तू जगाचं सोनं करावंस
पण ............

एक भीतीही वाटते....
एक दिवस तूच सोनं झालास
अन मला महागलास....?

सोन्याचा भाव वाढतच असतो
आणि जग सोन्याच्या मागे धावतं
मी या रस्सीखेचीत मागं पडले तर ?

कारण,
मी फक्त एक मन आहे
तुझ्यावर जीवापाड प्रेम करणारं.........

ती

जमलच नाही

पारिजात

पाउस